Ўзбекистон Республикаси ички ишлар вазири Пўлат Раззақович Бобожонов бўлди. Бу ҳақда Президент расмий сайтида хабар берилди.
Пўлат Бобожонов 1961 йилда таваллуд топган, 2012 йилдан буён Хоразм вилояти ҳокими лавозимида ишлаб келган, 2011 йилгача маълум муддат ҳоким ўринбосари вазифасини бажарган. Бунга қадар эса Бухоро вилояти прокурори лавозимида фаолият юритган.
2006-2011 йилларда Жиззах вилояти прокурори вазифасини бажарган.
2005-2006 йилларда Бош прокуратура молиявий ва валюта жиноятлари Департаментида раҳбарлик қилган. 2000-2005 йилларда — Ўзбекистон Бош прокурори ўринбосари вазифасида ишлаган.
2017 йил январь ойидан ички ишлар вазири лавозимида Абдусалом Азизов ишлаб келаётганди. Унинг ишдан кетиш сабаби ҳозирча маълум эмас.