Аввал хабар қилинганидек, Марғилонда «Атлас байрами» миллий матолар фестивали бўлиб ўтмоқда. Фестивалнинг бешинчи куни Марғилон шаҳридаги “Ёшлик” истироҳат боғида ўтказилди. Сайёҳларни жалб этган яна бир воқеа - 23 ёшли ошпаз ўз тенгдошлари ёрдамида 2 тонналик палов тайёрлади. Бу ҳақда Facebook’даги «Халқ билан мулоқот» гуруҳида хабар берилмоқда.
«Марғилонда ‘Атлас байрами’ миллий матолар фестивали бўлиб ўтмоқда. Сайёҳлар ҳам ташриф буюрган. Сайёҳларни жалб этган яна бир ҳолат 23 ёшли ошпаз ўз тенгдошлари ўртасида шахсий рекордини ўрнатиш мақсадида 2 тонналик ош тайёрлади», — дейилади хабарда.
Эслатиб ўтамиз, 8 сентябрь куни «Ўзбегим» миллий қадриятлар фестивали доирасида мегапалов тайёрланди ва у Гиннеснинг рекордлари китобига киритилди.