Россия Федерациясининг Екатеринбург шаҳридаги Колцово аэропортида перронда қатновчи автобус тўхтаб турган самолётга урилиб кетди. Бу ҳақда ТАСС хабар бермоқда.
Воқеа гувоҳларининг айтишича, Москвадан учиб келган йўловчилар ўтирган автобус қоронғуда орқага тисарилаётганда самолётга қаттиқ урилиб кетган. Одамлар полга йиқилган, айримлари қаттиқ жароҳат олган. Аммо транспорт ҳайдовчиси нима юз берганини эълон қилмаган ва йўловчилардан узр сўрамаган.
Воқеа тафсилотлари ўрганилмоқда.