Молия вазирлигида бўшаб қолган иш ўринларига Ёшлар иттифоқи номзод қидирмоқда
29.12.2017 14:38,
33
Молия вазирлиги тизимидаги вакант иш ўринларни тўлдириш мақсадида ватанпарвар, ташаббускор, фидойи ва иқтидорли ёшлар ишга таклиф этилиб, улар ҳақидаги маълумотномалар кўриб чиқилмоқда. Бу ҳақда Ўзбекистон ёшлар иттифоқи матбуот хизмати хабар қилади.
Молия-иқтисод йўналиши бўйича олий маълумотли ёшлар ўз резюмеларини Ёшлар иттифоқининг [email protected] электрон манзилига юборишлари мумкин. Келиб тушган ҳужжатлар ўрганилиб, танлаб олинган номзодлар Ёшлар иттифоқига суҳбатга чақирилади.
Ҳужжатлар 30 декабргача қабул қилинади.
Эслатиб ўтамиз, Президентимиз Шавкат Мирзиёевнинг 22 декабрдаги Олий Мажлисга Мурожаатномасидаги танқиддан кейин Молия вазирлиги тизимида 562 нафар давлат идораси номига доғ туширган ходимлар ўз лавозимидан озод этилган.