Ўзбекистон Миллий хавфсизлик хизмати давлат чегарасини қўриқлаш қўмитаси республика чегарасида ўтказув пунктларида юзага келаётган тирбандликлар бўйича изоҳ берди.
"Халқаро алоқалар, айниқса, қўшни давлатлар билан сиёсий, иқтисодий ва маданий соҳаларда алоқалар кенгайиши муносабати билан сўнгги вақтларда чегара қисмларида кескин равишда йўловчилар тирбандлиги ошиши билан боғлиқ ҳолатлар кузатилмоқда", — деб хабар қилди Ўзбекистон Миллий хавфсизлик хизмати Давлат чегарасини қўриқлаш қўмитаси матбуот-хизмати.
Йўловчилар оқими кўпайиши "Қозоғистон Республикаси билан чегарадаги "Ғишт-кўприк" автойўл пункти (бу ерда суткасига 28 минг нафаргача одам ўтказилмоқда) ва Қирғизистон Республикаси билан "Дўстлик" чегарасида (суткасига 8 минг нафар одам), айниқса сезилмоқда.