Ўзбекистоннинг олтин-валюта захиралари тўғрисида янги маълумот эълон қилинди
17.02.2018 13:14,
5
Ўзбекистон Марказий банки мамлакат олтин-валюта захиралари тўғрисидаги янги ахборотни эълон қилди.
2018 йил 1 февраль ҳолатига кўра, Ўзбекистоннинг ялпи олтин-валюта захиралари ҳажми 28,774 миллиард долларни ташкил этди.
1 январда бу кўрсаткич 28 миллиард долларни ташкил этганди. Шу тариқа, бир ойда олтин-валюта захиралари ҳажми 700 миллион долларга кўпайди.
Бундан 14,7 миллиард доллар хорижий валютадаги активлар, салкам 14 миллиард доллар эса монетар олтиндан иборат.