Валюта курси: Ўз.Р.Марказий банки
USD
АҚШ доллари
EUR
Eвро
RUB
Россия рубли
Sayt test rejimida ishlayapti!!!

Сўнгги янгиликлар






Huawei ўз флагмани рекламаси билан Samsung ва Apple’ни масхара қилмоқда
26.03.2018 09:34,  
9

Дунёнинг учинчи рақамли смартфонсози ўзининг Huawei P20 Pro ҳамда P20 Pro қурилмаларини тақдим этишига саноқли кунлар қолди. Бу девайсларни реклама қилишда хитойлик компания ўз рақобатчилари – Samsung ҳамда Apple’нинг жиғига тегишга қарор қилган кўринади.

Гап шундаки, Huawei компанияси Буюк Британияда ғайриоддий реклама кампаниясини йўлга қўйди. У нақ Samsung ҳамда Apple компанияларининг Лондондаги расмий дўконлари олдида тўхтаб турувчи юк машиналарини ўз реклама баннерлари билан безатган.

Кўриб турганингиздек, баннерларда «Кутиб туринг», «Сабр қилинг» мазмунидаги сўзлар ёзилган ва 2018 йилнинг 27 март санаси туширилган. Биламизки, Huawei P20 ҳамда P20 Pro смартфонлари айнан шу куни расман намойиш этилади. Шунингдек, рекламаларда «AI» («Artificial Intelligence» – «сунъий онг») ҳарфларига алоҳида урғу берилган; Huawei бу билан ўз флагманларидаги «сунъий идрок» тизимига эътибор қаратмоқчи.

Булардан ташқари, бевосита Samsung ва Apple дўконларига кириладиган йўлакларда ва бошқа жойларда ҳам ерга граффити тарзида реклама ёзувлари туширилган. Уларда янги «Уйғониш даври» тез орада бошланишига ишора қилинган, Huawei логотипи туширилган ва P20 тақдимот санаси акс эттирилган. Бу билан эса хитойлик техногигант янги флагманларининг фотосураткашлик имкониятларига урғу бераётир.

Айтиш керакки, ишлаб чиқарувчилар ўз рекламаларида рақибларини майна қилиши – кам бўлса-да учраб турадиган ҳолат.

Тавсия этамиз






Тавсия этамиз

Ҳар доим хабардор бўлинг!

carzone.uz мобил иловаларини кўчириб олинг ва барча янгиликлар сиз билан