GM автозаводининг ишчилари раҳбарнинг кабинетига бостириб кириб буюмларини синдирди (видео)

07.04.2018 | Технологиялар | 9874

General Motors ишчилари компания раҳбариятининг хонасига ҳужум уюштирди. Бу воқеани хонадаги камера ёзиб олди ва видео тез орада тарқалиб кетди, деб ёзмоқда Carzone.uz.

Касаба уюшмаси аъзолари шу йўл билан компания сиёсатидан норозилигини билдирди.

Видеода дарғазаб эркаклар кабинетга бостириб кириб мебелларни синдира бошлагани ва хона жиҳозларини полга улоқтиргани кўринади.

Эслатиб ўтамиз: бу воқеа Жанубий Кореядаги GM офисида содир бўлди. 

Мамлакатда GM заводларидан бири ёпилиши маълум қилинган ва беш минг ходим иш ўрни қисқариши аён бўлган. Бундан норози бўлган ишчилар ўзларининг қонуний мукофот пулларини тўлашни талаб қилмоқда, аммо тўлашга компаниянинг маблағи йўқ.
GM раҳбарияти офисга етказилган зарар юзасидан полицияга мурожаат қилган.