Газ истеъмоли учун фуқаро ҳар доим ва албатта ўз вақтида тўловларни тўлиқ бажарган бўлишига қарамай, Газ таъминоти корхонаси барибир қарздорлик ёзиб кетаверган.

Чортоқ туман “Ласкидон” маҳалла фуқаролар йиғинида яшовчи фуқаро Жамила Каримова Чортоқ туман истеъмолчилар ҳуқуқларини ҳимоя қилиш жамиятига мурожаат қилган.

Мурожаатда, Чортоқ туман газ таъминоти корхонаси ходимлари томонидан истеъмолчига бир ярим миллион сўм қарздорлик ҳисоблангани, лекин у доимий равишда тўловни амалга ошириб келгани қайд этилган ва шу масалага аниқлик киритиб беришда амалий ёрдам сўраган.

Мурожаат Туман жамияти масъуллари томонидан Ўзбекистон Республикасининг “Жисмоний ва юридик шахслар мурожаатлари тўғрисида”ги ҳамда “Истеъмолчилар ҳуқуқларини ҳимоя қилиш тўғрисида”ги қонунлари асосида ўрганиб чиқилди.

Ўрганишлар натижасида ушбу фуқарога туман газ корхонаси томонидан қўйилган бир ярим миллион сўмлик қарздорлик асоссиз эканлиги ўз исботини топди. Ҳисобланган нореал қарздорлик истеъмолчидан олиб ташланди.