Кўпқаватли уйлар олдида ўзбошимчалик билан қурилган иморатлар "амнистия"га тушмайди

03.05.2018 | Ўзбекистон | 3067

Ўзбошимчалик билан билан қурилган турар жойларга нисбатан мулк ҳуқуқини эътироф этиш бўйича бир марталик умумдавлат акцияси кўпқаватли уйлар, кафе ва ресторанлар олдида қурилган иморатларга нисбатан қўлланилмайди, деб хабар қилди  Адлия вазирлиги бошқарма бошлиғи ўринбосари Акбар Саидахмедов

Бу акция эълон қилингандан сўнг, кўплаб ўзбекистонликларни кўпқаватли уйлар олдида ўзбошимчалик билан қурилган иморатлар ушбу акцияга тушадими — деган савол катта қизиқиш уйғотди.

Тошкентда кўпқаватли биноларининг биринчи қаватида истиқомат қилувчилар уй олди ерларини эгаллаб, у ерда ўзбошимчалик билан қўшимча иморатларни қуриш ҳолатларни кўп кўришимиз мумкин.

Бундан ташқари, кўплаб фуқаролар балконларни кенгайтириб, умумий фойдаланишдаги ерларни ўзбошимчалик билан эгаллаб олишган.

Бундай иморатлар эгаларини ранжитамиз. Бу акция кўп қаватли уйлар олдида ўзбошимчалик билан қурилган иморатларга нисбатан қўлланилмайди.

"Ишчи гуруҳ ўзбошимчалик билан қурилган иморатларга нисбатан мулк ҳуқуқини эътироф этиш механизми белгилаб қўйилган ҳужжат лойиҳасини ишлаб чиқди. Ушбу акцияга кўп қаватли уйлар бу акцияга тушмайди. Кўпқаватли уйлар олдидаги ерлар битта истиқомат қилувчи фуқарога тегишли бўла олмайди. Амнистия фақат хусусий сектор, фақат жисмоний шахсларга қўлланилади. Бу кафе ва дўконлар олдида ўзбошимчалик билан қурилган иморатлар ҳам бу акцияга тушмайди дегани", — деб таъкидлади Акбар Саидахмедов.

Эслатиб ўтамиз, Ўзбекистон президенти фармонига асосан 2019 йил 1 майгача мазкур фармон қабул қилинган вақтга қадар қурилиш мақсадлари учун ажратилмаган ер участкаларида ёки иморат қуриш учун рухсатнома олмасдан қурилган турар жойга, яъни ўзбошимчалик билан қурилган иморатга нисбатан мулк ҳуқуқи ушбу объектга ўз шахсий мулки каби ҳалол, ошкора ва узлуксиз эгалик қилаётган шахсга эътироф этилади.

Ўзбошимчалик билан қурилган иморатга нисбатан мулк ҳуқуқи кўчма мулкка бўлмаган тан олиниши тан олиш бўйича ишларни ташкил қилиш комиссия тавсиясига биноан ёки туман ёки шаҳар ҳокими қарорига асосан амалга оширилади.

Қайд этилишича, ўзбошимчалик билан қурилган иморатга нисбатан мулк ҳуқуқи энг кам иш ҳақининг 10 баравари миқдорда бир марталик йиғим тўлангандан кейин амалга оширилади.