Гулноза Раҳимова Марказий сайлов комиссияси раиси ўринбосари бўлди

07.05.2018 | Ўзбекистон | 2641

4 май куни Ўзбекистон Марказий сайлов комиссияси йиғилиши бўлиб ўтди. Унда МСК раиси ўринбосарини сайлаш масаласи кўриб чиқилди, дея хабар қилди комиссия матбуот хизмати.

Мазкур лавозимга 2010 йилдан буён Ўзбекистон Бош прокуратураси матбуот хизмати ҳамда жамоатчилик билан алоқалар ва ҳуқуқий ахборот бўлимига раҳбарлик қилиб келаётган Раҳимова Гулноза Абдусатторова сайланди.

МСК хабарида қайд этилишича,Гулноза Раҳимова Тошкент давлат университети битирувчиси бўлиб, кўп йиллар давомида прокуратура органлари тизимида масъулиятли лавозимларда фаолият кўрсатиб келган.