2018 йил 12 май куни «Анҳор-Локоматив» кўнгилочар боғидаги «Осмонўпар» аттракционида учган 11 ёшли болакай ҳушсиз ҳолда топилган. Бу ҳақда  Ўзбекистон темир йўллари матбуот хизмати хабар берди.

Мирзо Улуғбек туманидаги мактаблардан бирида ўқувчи 2007 йилда туғилган йигитча мазкур аттракционда учаётиб ҳушини йўқотган. Нохуш ҳодиса 12 май куни соат 21:35 да содир бўлган. Орадан бир ярим дақиқа ўтгач боғнинг тиббиёт ходими биринчи ёрдам кўрсатиш учун етиб келган. Шундан сўнг, 11 ёшли болакай боғ маъмурияти буносидаги тиббиёт пунктига олиб борилган. Соат 22:00 да жабрланувчи боғнинг тиббиёт ходими ва яқинлари ҳамроҳлигида 1-шаҳар шифохонасига олиб борилган. У ерда боланинг вафот этганлиги қайд этилган.

13—14 май кунлари боғ ҳудудида барча кўнгилочар тадбирлар бекор қилинган.