Хитой яна бир марта Жанубий Кореяда АҚШнинг THAAD (Terminal High Altitude Area Defense) ракеталар зарбасидан мудофаа тизими жойлаштирилишига қарши чиқди. ХХР раҳбари Си Цзинпин G20 саммитида Корея Республикаси президенти билан учрашув чоғида буни билдирди.
Июл ойида Жанубий Корея ва АҚШ Корея ҳудудига АҚШнинг ракеталар зарбасидан мудофаа тизимини жойлаштиришга келишган. THAAD комплекси “КХДР томонидан таҳдидга қарши туриш” учун жойлаштирилмоқда.
Ушбу режага КХДР “ўта қатъий жисмоний контрчоралар кўриш” билан жавоб берган. Расмий Пекин эса бу тизим ракеталари ХХРга йўналтирилган бўлишидан хавфсирайди.