Тўфон туфайли Урганчга учган самолётлар бошқа аэропортларга қўнишга мажбур бўлди
28.05.2018 12:20,
11
Ўзбекистон ҳаво йўлларининг “Тошкент – Ургaнч – Москва” йўналиши бўйича йўлга чиққан самолёти Бухорода қўнишга мажбур бўлди, деб хабар қилмоқда комания матбуот хизмати.
Авиакомпания хабарига кўра, бунга Ургaнч аэропорти ҳудудида кўтарилган кучли чанг тўфони сабаб бўлган. Бухоро аэропортида 4,5 соат кутишдан сўнг самолёт ўз йўналиши бўйича ҳаракатланишни давом эттирган.
Ушбу тўфон сабабли компаниянинг “Тошкент – Ургaнч – Бухоро” йўналишида амалга оширилаётган 1051-сонли парвози вақтинча тўхтатилди. Самолёт Нукус аэропортига қўнишга мажбур бўлди. 4,5 соатдан сўнг у йўналиш бўйича парвозини давом эттирди.