Хитойда Ўзбекистон меваларига қўйилган тақиқ олиб ташланди
8.06.2018 23:10,
8
Хитойга 10 минг тонна гилос, 3 минг тонна майиз, 2 минг тонна ёнғоқ экспорт қилиш бўйича келишувга эришилди.
“Ўзбекозиқовқатҳолдинг” компанияси раиси Тоҳиржон Жалилов билан Хитойнинг “Industrial Co LTD” компанияси бош менежери Хиан Жонгхе ўртасида музокаралар ўтказилди. Ўзаро музокаралар томонлар учун самарали якунланди.
Бу Хитой карантин ва божхона хизмати томонидан олиб борилган узоқ текширувлардан сўнг Ўзбекистон гилоси ва бошқа мевалари экспортига рухсат берилгандан кейин эришилган энг йирик келишув ҳисобланади.
Маълумот учун, бугунги кунга қадар “Ўзагроэкспорт” АЖ томонидан хитойлик ҳамкорларга 22,4 миллион АҚШ долларилик маҳсулот етказиб берилган.