Исроил расмийлари 1995-1996 йилларда энергия вазири лавозимида ишлаган Гонен Сегевга Эрон манфаатига жосуслик қилиш айбловини қўйди. Бу ҳақда 18 июнь куни Исроилнинг Шабак хавфсизлик хизмати билдирди.
Хизмат эълон қилган билдирувда собиқ вазир душманга кўмаклашишда ҳамда Исроил давлатига қарши жосуслик қилишда айбланаётгани айтилади.
Сегев 2005 йилда 32 минг дона шоколодга ўралган экстази гиёҳванд моддасини Исроилга олиб киришда уринишда айбдор деб топилган. 2007 йилда озодликка чиққан Сегеб Африкада яшаб келаётган эди.
Собиқ вазир ўтган ой Экваториал Гвинеядан Исроилга экстрадиция қилинган.
Собиқ вазир ўзини тадбиркор қилиб кўрсатган эронлик жосусларни Исроилнинг хавфсизлик ҳамда ташқи ишлар вазирликларига алоқадор шахслар билан учраштиришга уринган. Сегевнинг адвокатлари унга қўйилган айбловларни на рад этди, на тасдиқлади.