жасадини қайтариб юборганлиги ҳақида баёнот қилди.
"Биз жангларда мардонаворча ҳалок бўлган буюк қаҳрамонларимизнинг жасадларини қайтардик", — деб айтган Трамп Минесотта штати, Дулут шаҳрида ўз тарафдорлари билан учрашувда.
Трампнинг сўзларига кўра, АҚШга 200 ҳарбий хизматчининг жасадлари қайтарилган.
Корея яриморолида ўтган уруш давомида 35 мингдан ортиқ америка ҳарбийлари ҳалок бўлган. Шулар орасида 7,7 мингга яқини бедарак йўқолган ҳисобланади.
Сингапурда 12 июн куни ўтказилган учрашув вақтида АҚШ ва КХДР етакчилари — Дональд Трамп ва Ким Чен Ин Корея уруши вақтида ҳалок бўлган ва бедарак йўқолган америка ҳарбий хизматчиларининг жасадларини излаш тўғрисида келишиб олишди. Учрашув якунларига кўра қабул қилинган ҳужжатда, томонлар "ҳалок бўлган ва бедарак йўқолган ҳарбий хизматчиларнинг тана қолдиқларини излаш ва хусусан, идентификация қилинганларини тез орада қайтариш тарафдори эканлиги" маълум қилинган.