Қозоғистон президенти педофилларни ахталашни қонунан белгилаб қўйди, деб ёзади Оқ-ўрда матбуот хизматига таянган ҳолда ИнАктау нашри.
“Давлат раҳбари болалар ҳуқуқларини муҳофаза қилиш тизимини такомиллаштиришга йўналтирилган «Қозоғистон Республикасининг болалар ҳуқуқларини ҳимоя қилиш масалаларига оид айрим қонун ҳужжатларига ўзгартиш ва қўшимчалар киритиш тўғрисида»ги Қозоғистон Республикаси Қонунини имзолади”, дейилади матбуот хизмати хабарида.
Таъкидланишича, 17 март куни Қозоғистон парламенти сенати депутатлари «Қозоғистон Республикасининг болалар ҳуқуқларини ҳимоя қилиш масалаларига оид айрим қонун ҳужжатларига ўзгартиш ва қўшимчалар киритиш тўғрисида»ги қонунни кўриб чиқишган ва икки ўқишда қабул қилишган эди.
Энди мамлакатда педофилларни кимёвий йўл билан бичиш мажбурий асосда йўлга қўйилади.