“Дарахтхўр” манқуртлар бизда қандай кўпайиб кетди?

24.07.2018 | Жамият | 3000

“Дарахтхўр” манқуртлар бизда қандай кўпайиб кетди?  Биз қачон бу даражага келдик?, - деб ёзган Халқ депутатлари Учтепа туман кенгаши депутати, ЎзЛиДеп депутатлик гуруҳи раҳбари Нуриддин Зайнитдинов ўзининг Facebook'даги саҳифасида.

“Бу вахшийлик кўп кўтарилди ва гапирилди. Лекин фақат вадалар ва қуруқ гаплар бўлди... 
200 йиллик чинорни кесиб 46 млн. сўм жарима тўлатиш, менимча кулгили ҳолат. 200 йиллик чинор нималарни кўрмаган?

Оҳирги 100 йилда ҳам бунчалик дарахтлар кесиб ташланмаган.  1 куб.м. чинорни $800-$1000 АҚШ долларига пуллаётган виждонсиз, манқурт юртдошларимиз ва уларга панохкор булган мансабдорлару, улардан мебель тайёрлаб сотаётган инсофсиз тадбиркорлар, уларни мебелини сотиб олиб, хашаматли уйини безатаётган бойларимиз...

Қачон инсофга келасизлар?

Бутун чинорлару-дарахтларни битта қўймай қириб, йўқ қилиб, сотиб юбормагунингизгачами?!
Бу дарахтларни, чинорларни сиз экмагансизку, тегига бир челак сув қуймагансизку, Сизда на манавий ва моддий хуқуқ йўқ дарахтларни тақдирини хал этишга, кесишга, пуллашга...

Чинорларни ва бошка дарахтларни кесганлик ёки нобуд қилганлик учун 15 йилгача қамоқ жазосини, 1000 дона дарахт кўчатини экиш, 1 йилга чўлга саксовул экиш мажбурий жазосини бериш керак.

Жазони кучайтириш, лозим бўлса, прокуратура тизимида махсус инспекция тузилиса, шу масала билан шуғулланса мақсадга мувофиқ бўлади.

Бу масалада Ўзбекистон Республикаси Табиатни муҳофаза қилиш давлат қўмитаси ва Ўзбекистон экологик ҳаракатининг олиб бораётган фаолияти умуман талабга жавоб бермайди. Шунча минглаб дарахтларнинг нобуд қилинишига шу икки ташкилот вакиллари виждонан жавоб беришлари лозим”, - деб ўзининг сўзини якунлайди Нуриддин Зайниддинов.