Тошкентдаги корхоналардан бирида газ баллон портлади - 3 киши оғир даражада куйди
6.08.2018 21:13,
3
Кеча, 5 август куни соат 10:10 да Тошкент шаҳар Сергели туманидаги “Трест Бино қурилиш” МЧЖ ҳудудида газ баллони портлади, деб хабар қилди Фавқулодда вазиятлар вазирлиги матбуот хизмати.
Хабарда айтилишича, пропан газ балонидан газ қолдиқларни бўшатиш вақтида ҳаво-газ аралашмасининг чақнаши содир бўлган. Чақнаш оқибатида, яқин масофада ишлаётган 3 нафар фуқаро тан жароҳати олган.
Қуйидагилар жабрланганлар: Муминов 1966 йилда туғилган (80 фоиз термик куйиш), Хакимов 1982 йилда туғилган (27 фоиз), Анакулов 1989 йилда туғилган (27 фоиз).
Жабрланганлар Республика шошилинч тиббий ёрдам илмий марказига жойлаштирилган.