Валюта курси: Ўз.Р.Марказий банки
USD
АҚШ доллари
EUR
Eвро
RUB
Россия рубли
Sayt test rejimida ishlayapti!!!

Сўнгги янгиликлар






«Аурум 898» тунги клубида юз берган ҳодиса тафсилотлари маълум қилинди (видео)
26.08.2018 13:40,  
13

«Тошкент» телеканалининг «Пойтахт-Вазият» дастурида «Аурум 898» тунги клубида спортчи Жамшид Кенжаевнинг ўлимига сабаб бўлган фожиа тафсилотлари маълум қилинди.

Айтилишича, Жамшид Кенжаев 8 август куни танишининг туғилган куни муносабати билан уюштирилган зиёфатда иштирок этган ва спиртли ичимлик ичган. Соат 23:30 атрофида тунги клубга борган. Ёнидаги пичоқни кўрган қўриқчилар уни ичкарига қўйишмагач, икки қўриқчига пичоқ билан зарба берган. Кейин қўриқчилар унинг ўзини калтаклашган. Жароҳатлар оқибатида Кенжаев шифохонада вафот этган.

Тошкент шаҳар  прокуратураси бўлим ўринбосари Фарҳод Бобониязовнинг маълум қилишича, тунги клубнинг 4 нафар қўриқчисига нисбатан Жиноят кодексининг 97- ва 277-моддалари билан жиноий иш очилган.

Дастурда қайд этилишича, қўриқчиларга хизмат вақтида биталар, пичоқлар ва бошқа турдаги қуроллардан фойдаланишга рухсат берилган. Айни вақтда ҳуқуқ-тартибот органлари тунги клуб фаолиятини текширишмоқда.

Тошкент шаҳар  прокуратураси вакилининг сўзларига кўра, марҳум спортчининг ўзига ҳам Жиноят кодексининг тегишли моддалари асосида баҳо берилиб, қонуний қарор қабул қилинади.

Тавсия этамиз






Тавсия этамиз

Ҳар доим хабардор бўлинг!

carzone.uz мобил иловаларини кўчириб олинг ва барча янгиликлар сиз билан