Ўзбекнефтгаз" АЖ таркибига кирувчи нефть-газ тармоғи ташкилотларининг фойдаланилмаётган ва ихтисосли бўлмаган активларини оммавий савдоларда хусусий мулкка сотилади. Бу ҳақда Вазирлар Маҳкамасининг қарорида маълум қилинган.
Ушбу ҳаракатлар «Ўзбекнефтгаз» АЖ ташкилотларининг молиявий-иқтисодий аҳволини мустаҳкамлаш ва яхшилаш учун амалга оширилмоқда.
Рўйхатда 150 дан ортиқ актив мавжуд. Улардан 17 тасида компаниялар устав капиталидаги улуш.
Улар орасида: «Бухоро нефтегазишчитаъминот» МЧЖ, «Агро Плюс Нефтегаз» МЧЖ, «Карбонам» МЧЖ, «Моделлар уйи галереяси» МЧЖ, «Мурувват-Текс Хоразм», «Наглгаз махсускурилиш» ва бошқалар бор.
Агар объект очиқ савдоларга қўйилган кундан кейин уч ой мобайнида сотилмаса, тадбиркорларга уни 10 йилгача пулни бўлиб-бўлиб тўлаш шарти билан сотиб олиш имкони берилади. Шу билан бирга, олдиндан тўлов активнинг бозор қиймати камида 15 фоиз бўлиши керак.