29 август куни ижтимоий тармоқларда Тошкент шаҳрида 9 ёшли Робия Элтоеванинг йўқолиб қолганлиги ҳақидаги хабар тарқалган эди.
Юнусобод туманида яшовчи қиз уйидан тахминан соат 12:00 да ахлат тўккани чиқиб кетиб, қайтиб келмаган, деб хабар беради пойтахт ИИББ.
Орадан бир соат ўтгач, фарзандининг йўқлигидан хавотирга тушган ота-она 102 рақамига қўнғироқ қилган.
Тошкент шаҳар ИИББ ходимлари томонидан зудлик билан тезкор-қидирув тадбирлари амалга оширилиб, бир неча дақиқа ичида Робиянинг қаерда эканлиги аниқланган.
Маълум бўлишича, Робия уйга қайтаётганида дўстларини учратиб қолган ва ота-онасини хабардор қилмасдан, улар билан айлангани Mega Planet савдо-кўнгилочар марказига борган.