Парижда Саудия Арабистони маликасига тегишли бўлган тақинчоқлар ўғирлаб кетилди
11.09.2018 00:00,
36
Парижда Ritz меҳмонхонасида Саудия Арабистони маликасига тегишли бўлган тақинчоқлар ўғирлаб кетилди. Бу ҳақда France info радиостанцияси хабар қилди.
Хабарда айтилишича, етказилган зиён 800 минг евро деб баҳоланмоқда. Жиноятчиликка қарши курашиш гуруҳи тергов ишини бошлади.
Ўғирлик жума, 7 сентябр куни содир бўлди. Айтишларича, саудиялик малика қимматбаҳо буюмларини отел хонасида жойлашган сейфда сақламаган. Полиция ходимлари маълумотларига қараганда, хона эшикларида бузиш излари аниқланмаган.
Саудиялик малика полицияга ариза билан мурожаат қилди. Ўғирлик ҳолати бўйича жиноятчиликка қарши курашиш гуруҳи ўз иш фаолиятини бошлади.