«Манчестер Юнайтед» кулуби бир мавсумда 500 млн фунт ишлаб топди
13.09.2016 16:05,
4
“Манчестер Юнайтед” клуби раҳбарияти 2015/16 йилги мавсум якунлари бўйича молиявий ҳисоботни эълон қилди.
Унга кўра, “МЮ”нинг йиллик даромади 515,3 миллион фунт стерлингдан иборат эканлиги ойдинлашди. Шундан соф фойда 68,9 миллион фунтни ташкил қилди. Бу билан манкунианликлар бир йилда ярим миллиард фунт стерлингдан кўпроқ даромад қилган биринчи инглиз клубига айланишди.
2015 йили жамоанинг даромади 395,2 миллион фунтдан иборат бўлган эди. Лекин “Манчестер Юнайтед” йиллик даромад бўйича “Барселона”дан ҳамон ортда қоляпти. Каталонияликларнинг сўнгги мавсумдаги даромади 570 миллион фунт стерлингни ташкил қилганди.