ИИББ аёл кишига қўл кўтарган Дамас ҳайдовчисига ва бунга бефарқ қараган ички ишлар ходимига чора кўради

07.10.2018 | Жамият | 3238

Ижтимоий тармоқларда «Тошшаҳартрансхизмат» ходими ва Damas ҳайдовчиси ўртасидаги можаро видеоси тарқалди. Видео аёлнинг ўзи томонидан олинган, дея хабар беради ИИББ матбуот хизмати.

Фойдаланувчиларни нафақат эркак ҳайдовчининг қилиғи, балки уни четга тортган, бироқ жамоат тартибини таъминлаш учун чора кўрмаган ички ишлар ходимининг ҳатти-ҳаракати ҳам таажжубга солди.

Тошкент шаҳар ИИББ можаронинг барча иштирокчилари шахсини аниқлаш чоралари кўрилмоқда. Мазкур ҳолат синчиклаб ўрганилади, ички ишлар ходимига нисбатан эса хизмат текшируви ўтказилади.