Тошкентда биринчи қор ёғмоқда
16.10.2018 21:49,
42
Бугун, 16 октябрь куни Тошкент шаҳрида ёғаётган ёмғир қорга айланди. Ижтимоий тармоқларда биринчи қор фото ва видеолари жойлаштирилмоқда.
Шунингдек, бугун республиканинг тоғли ҳудудлари қор билан қоплангани тасвирланган суратлар ҳам тарқалди.
Эслатиб ўтамиз, 16-17 октябрда Ўзбекистон бўйлаб ёғингарчиликлар кузатилиши, баъзи жойларда ёмғир қорга айланиши ҳақида хабар қилинганди. Ҳаво ҳарорати кечаси -2...+3, тоғли ҳудудларда -10 даражагача пасаяди. Кундузи ўртача +5...+8, тоғли ҳудудларда -5 даражагача пасаяди.