Валюта курси: Ўз.Р.Марказий банки
USD
АҚШ доллари
EUR
Eвро
RUB
Россия рубли
Sayt test rejimida ishlayapti!!!

Сўнгги янгиликлар






Туризм қўмитаси Туркияга отланган ўзбекистонликларни огоҳлантиради
22.10.2018 16:12,  
12

Ўзбекистон Республикасида Туркияга сайёҳ сифатида, таътил – дам олиш мақсадида йўл олаётган ўзбекистонлик сайёҳлар сони сўнгги йилларда ортиб бормоқда, деб хабар беради Туризм қўмитаси матбуот хизмати.

«Таътил учун сайёҳлар энг кўп борадиган шаҳарлар Истанбул, Бодрум ва Анталия шаҳарларидир. Ўтган йилдан бошлаб ёзги таътил вақтлари Тошкент ва Анталия ўртасида Ўзбекистон ҳаво йўлларининг чартер рейслари ҳам йўлга қўйилган бўлиб, жорий йилнинг 23 май санасидан 19 сентябрь санасигача 57 та чартер рейслар амалга оширилди.

Ҳозирги кунда Ўзбекистон ва Туркия ўртасида Ўзбекистон ҳаво йўллари ва Туркия ҳаво йўлларининг ҳафтасига 18 та ҳаво қатнови йўлга қўйилган (Тошкент ва Самарқанд шаҳарларига)», — дейилади хабарда.

Сўнгги вақтларда Туркиянинг денгиз соҳилида жойлашган таътил – дам олиш масканларидаги шаҳарларига Истанбул шаҳридан автобус, микроавтобус ва енгил автотранспорт воситалари билан қатнаётган сайёҳлар сони тобора ортиб бормоқда ва туризм мавсуми вақтида ҳайдовчиларнинг тезликни ошириши, кеч вақтларда – кечалари йўлга чиқиши ва ҳайдовчиларнинг автомобиль ҳайдаш вақтида ухлаб қолиши сабаблари билан автоҳалокатлар сони тобора ортиб бормоқда.

Туркия Республикаси Статистик қўмитаси чоп этган расмий маълумотларга кўра, 2017 йилда Туркия автомобиль йўлларида 1 202 716 автоҳалокат содир бўлган бўлиб, 300 383 киши жароҳатланган ва 7427 киши қурбон бўлган. 2017 йилда автоҳалокат оқибатида вафот этган кишиларнинг 43,2 фоизи ҳайдовчилар, 34,2 фоизи йўловчилар ва 22,6 фоизи пиёдалардир. Автоҳалокатларнинг 67,4 фоизи кундуз куни, 30 фоизи кечаси ва 2,6 фоизи кун ботганида содир бўлган.

«Юқоридагиларни ҳисобга олган ҳолда, шунингдек фуқаролар хафвсизлигини таъминлаш ва огоҳлигини ошириш мақсадида Ўзбекистон Республикаси Туризмни ривожлантириш давлат қўмитаси, Туркияга сайёҳ сифатида дам олиш учун йўл олаётган ўзбекистонлик сайёҳларга имкон қадар Тошкент – Анталия – Тошкент, Тошкент – Истанбул – Анталия – Истанбул – Тошкент авиа қатновлари билан боришларини, Туркиянинг денгиз соҳилларида жойлашган дам олиш масканларидаги шаҳарларига Истанбул шаҳридан автобус ёки микроавтобуслар билан бориш истаги бор сайёҳларга имкон борича фақат кундузги вақтларда йўлга чиқишларини ва ҳайдовчининг ҳолати ва соғлигига эътибор беришларини (узоқ йўлларда қоида бўйича иккита ҳайдовчи бўлиши керак) тавсия этади», — дейилади хабарда.

Тавсия этамиз






Тавсия этамиз

Ҳар доим хабардор бўлинг!

carzone.uz мобил иловаларини кўчириб олинг ва барча янгиликлар сиз билан