Шу йилнинг 1 ноябридан Тошкентда биометрик паспортларни ID-карталар билан алмаштириш жараёни бошланиши лозим эди. Аммо бу жараён қачон бошланиши ҳозирча номаълум бўлиб турибди.
Podrobno.uz нашрининг Тошкент шаҳар Ички ишлар бош бошқармасидаги манбаси мазкур лойиҳа албатта амалга оширилиши, бироқ бу иш бироз кечикишини айтган.
“Ҳозирда биз халқаро тажрибани ўрганиш босқичидамиз”, деган манба айни пайтда Тошкентдаги лойиҳа учун ўзининг уникал технологик ечимларини тақдим этиши мумкин бўлган хорижлик стратегик ҳамкор қидирилаётганини қўшимча қилган.
Манбага кўра, янги хорижий паспортларни бериш муддати ўзгаришсиз қолган. Улар, қонунчилик ҳужжатларида кўрсатилганидек, 2019 йил 1 январидан берила бошлайди.