Эмомали Раҳмон Роғун ГЭСини ишга туширди
16.11.2018 18:54,
5
Тожикистон президенти Эмомали Раҳман Роғун ГЭСини ишга туширди. Тантанали очилиш маросимига қўшни давлатлар вакиллари, хусусан CASA-1000 лойиҳаси давлат аъзолари, халқаро ташкилотлар, хорижий давлат ваколатхоналари ва 30 та етакчи хорижий ОАВлар келишди.
Роғун ГЭС қурилиши 1976 йилда бошланган.
Роғун гидроэлектростанцияси – Вахш дарёсидаги 9-чи каскада ГЭС ҳисобланади. У Душанбедан 110 км шарқда жойлашган. ГЭС лойиҳаси бўйича у 6 та агрегатдан иборат, ҳар бирининг қуввати 600 МВтни ташкил қилади.
Станция тош-қуйма тўғонининг баландлиги 335 метрни ташкил қилади. У дунёда бундай турдаги ГЭСлар орасида энг баланд бўлади. Лойиҳа бўйича станция қуввати 3600 МВт ташкил қилиб, у Марказий Осиёда энг йирик ГЭС бўлади.