Кеча кечқурун Қозоғистон трассасида автобус 36 нафар йўловчи билан ағдарилиб кетди. Автобус Нижний Новгород шаҳридан келаётган бўлган.
Спутник хабар беришича, 36 кишидан 2 таси Қозоғистон фуқаролари, қолганлари эса Россиядан ватанига қайтиб келаётган ўзбекистонликлар бўлган.
Вилоят соғлиқни сақлаш бошқармаси ЙТҲдан кейин Аралск касалхонасига 3 нафар йўловчи олиб келингани маълум қилди. Кейинчалик улардан бири жароҳати туфайли вафот этди. Яна 2 та Ўзбекистон фуқаросига тиббий ёрдам кўрсатилмоқда, улар бир қанча муддат улар шифокорлар назорати остида бўлишади.
Айни дамда автобуснинг 17 нафар йўловчиси Чимкент-Самара трассаси яқинида жойлашган меҳмонхонага жойлаштирилди. Бир неча йўловчи эса мустақил равишда Новосибирскга қайтишга қарор қилди.
Қозоғистон йўлларида Ўзбекистон фуқаролари билан мунтазам равишда йўл-транспорт ҳодисаси содир бўлиб туради.
Шулардан энг шов-шувли ҳодиса - шу йил январь ойида Қозоғистон Ақтўбе вилояти Самара-Чимкент трассасида 57 нафар киши бўлган автобус ёниб кетганди. Ёнғин оқибатида 52 ўзбекистонлик ҳалок бўлганди.