Таҳририятимизга Фарғона вилояти Ўзбекистон тумани Обод қишлоғида истиқомат қилувчи тадбиркордан мактуб келиб тушди. Хат мазмунидан маълум бўлишича. Хатнинг мазмуни бугунги кунимиз учун долзарб масалаларидан бўлгани учун уни эълон қилишга қарор қилдик.

Мен Фарғона вилояти Ўзбекистон тумани Обод қишлоғидан ёзяпман. Нафақат бизнинг қишлоқда, балки туманимиздаги аксарият қишлоқларда электр жуда кам берилади. Бу халқимизга жуда катта қийинчилик туғдирмоқда. Айниқса, туманимизда ишлаб чиқариш билан шуғулланувчи тадбиркорларнинг керакли электр дастгоҳлари ишламаслигига ва тадбиркорлик фаолияти тўхтаб қолишига сабаб бўлмоқда. Жумладан, мен ҳам оилавий корхона ташкил қилиб, ишлаб чиқаришни йўлга қўйганман. Электр танқислиги туфайли корхонам иши умуман тўхтаб қолди. Электр беришларини сўраб кун.уз сайтида шу муаммоларни чиқаргандим, шу куниёқ туман мутасадди вакиллари ва туман электр тармоқлари бошлиғи уйимизга келиб бундан буён электрни мунтазам беришларини ваъда бериб кетишди. Ҳатто туман электр бўлими бошлиғи менга ўз қўли билан электр бўйича бошқа муаммо бўлмаслигига кафолат хати ёзиб бериб кетди (ушбу хатни илова қиламан).

Шу кундан буён 2-3 кун ҳақиқатда электр берилди ва яна бугундан бошлаб электр таъминотида узилишлар бошланди. Мен каби тадбиркорлар фаолияти тўхтаб қолди. Бу каби электр етишмовчилиги туманимизнинг бошқа қишлоқлари, масалан Ислом, Нурсух, Намозгоҳ қишлоқларида хап кузатилмоқда. 

Сиздан илтимос, ушбу муаммо ижобий ҳал этилиши учун ушбу хатимни ва туман электр бўлими бошлиғи кафолат хатини ОАВда чиқаришингизни сўрайман.

Хурмат билан,

Охун Йулдошев

Sof.uz сайти бу борада Фарғона вилояти Ўзбекистон тумани мутасаддиларнинг изоҳини кутиб қолади.