АҚШ сенати Россиянинг Керч бўғозидаги ҳаракатларини қораловчи резолюцияни қабул қилди. Керч бўғозида Россия чегарасини бузганлиги учун учта украина кемалари қўлга олинган эди, деб ёзади Hill нашри.

Якшанба куни Украина ҲДКга қарашли "Бердянск", "Никополь" ва "Яны Капу" кемалари — Россия томонидан Керч бўғозида қўлга олинган.

"Бугун сенат Владимир Путинга Азов денгизида Украинага нисбатан унинг ҳукумати агрессиясига тоқат қилмаслигини англатувчи аниқ сигнални йўллади. Биз Россиянинг бирёқлама тартибда халқаро қоидаларни қайта ёзишга қаратилган ҳар қандай ҳарбий ҳаракатларини қатъий қоралаймиз", - деб баёнот қилган сенатор Крис Мерфи.

Сенаторлардан яна бири - Рон Жонсон резолюция Украинани қўллаб-қувватлашни ифодалашини билдирган. У шунингдек, резолюция бир овоздан қабул қилингани ҳақидаги фактни маъқуллашини билдирган.

Резолюцияда Россия ҳаракатлари қораланишидан ташқари, ушбу ҳаракатлар минтақада нотинчликни юзага келтираётгани ва "азиятни янада ўткир тус олдираётгани ҳақида эслатиб ўтган. Сенат дунё ҳамжамиятидан Россиянинг ушбу ҳаракатларига қарши чиқиш қилишга даъват қилмоқда.

Илгарироқ Оқ уй Россия томонини ушбу ҳодисага ишора қилган ҳолда АҚШ президенти Дональд Трампнинг Путин билан Аргентинада мўлжалланган учрашувини бекор қилган эди. Россия президенти матбуот-котиби Дмитрий Песков ўз навбатида Кремль АҚШ маъмуриятининг ушбу қароридан афсусда эканлигини маълум қилди. Песков кун тартибида турган жиддий халқаро ва иккиёқлама масалалар номаълум муддатга қолдирилаётгани, аммо Путин америкалик ҳамкасби билан алоқа ўрнатишга тайёрлигини қўшимча қилган.