Ўзбекистонда ҳафта давомида қандай ҳаво ҳукмрон бўлиши маълум бўлди
11.12.2018 02:04,
3
Ҳафта давомида Ўзбекистон ҳудудида қуруқ ҳаво ҳукмрон бўлиши, айрим жойларга туман тушиши кутилмоқда. Фавқулодда вазиятлар вазирлиги Telegram-каналида Ўзгидромет маълумотларини эълон қилди.
Ҳарорат кечаси 0…+5 даража, кундузи — +5…+10 дан +10…+15 гача атрофида бўлади. Шимолий ҳудудларда тунги ҳарорат −7…−5 даражагача тушади.
Ўтган ҳафта сўнгида кузатилган ёғингарчиликларни Туркманистондан кириб келган жанубий циклон келтириб чиқарган эди. Айни вақтда Қорақалпоғистон, Хоразм вилояти ва Фарғона водийси вилоятларида ёғингарчиликлар кузатилмади. Ушбу кунларда ҳарорат кечаси +3…+8, кундузи — +10…+15, ёмғирлар вақтида эса +5…+10 даража атрофида бўлди.