Исроил ҳарбийларини Россияга юборади
11.12.2018 09:33,
5
Россия Федерацияси президенти Владимир Путин ва Исроил ҳукумат раиси Бинямин Нетаняҳу телефон орқали суҳбатлашгач, Исроилнинг юқори мартабали ҳарбийларини Москвага музокарага юборишга келишиб олди. Бу ҳақда ТАСС Исроил манбаларига асосланиб хабар қилмоқда.
Учрашув доирасида исроиллик ҳарбийлар Ливан билан чегарадаги “Шимолий қалқон” антитоннел операцияси ҳақида гаплашади. Ушбу чегарада Эрон қўллаб-қувватлайдиган “Ҳизбуллоҳ” ҳаракатининг фаолияти муҳокама этилади.
Нетаняҳу ўз навбатида Путин билан шахсан учрашишни режалаштираётганини маълум қилган.