Агар Қирғизистонда қонунчиликка киритилган ўзгартишлар кучга кирса, ота-оналар уч ёшгача бўлган фарзандларини уч ойдан ортиқ муддатга ташлаб кета олмайдилар, деб таъкидлади "Ҳуқуқ маркази" жамоатчилик фонди директори Гулнора Шейшекеева.
Шейшекеева Sputnik мультимедиа матбуот-марказида "Қирғизистондаги мигрантларнинг фарзандларини қандай ҳимоя қилиш мумкин" мавзусида ўтказилган доира суҳбатида чиқиш қилди.
Шейшекееванинг сўзларига кўра, агар ота-оналар чет давлатга пул топиш илинжида чиқиб кетсалар, улар ишончнома имзолашлари керак бўлади. Ушбу ҳужжатнинг амал қилиш муддати аниқ белгиланади.
"Уч ёшгача бўлган болага ишончнома муддати 3 ойгача, каттароқ ёшдаги болаларга - ярим йилгача этиб муддат белгилашни мўлжалламоқдамиз", - деб қайд этган аёл.
Режага мувофиқ, ишончнома муддатини масофадан туриб узайтириш мумкин. Агар ота-оналар чет элда узоқ қолиб кетадиган бўлса, шу билан бирга уларда ўз фарзандларини бирга олиб кетишга имконият бўлмаса, болаларни бошқа оилага доимий васийликка топшириш керак бўлади.