Валюта курси: Ўз.Р.Марказий банки
USD
АҚШ доллари
EUR
Eвро
RUB
Россия рубли
Sayt test rejimida ishlayapti!!!

Сўнгги янгиликлар






Британиялик бемор ўз-ўзини операция қилди
18.09.2016 10:56,  
12

Бундан 15 йил аввал, Ливерпуль шифохоналаридан бирида Грэм Смит исмли беморнинг ичаги устида жарроҳлик амалиёти ўтказилганди. Бироқ операция вақтида эҳтиётсизлик сабаб беморнинг қорин пардасида 20 смлик нейлон жарроҳлик чоклари қолдириб кетилган. Бу ҳақда Qalampir нашри ёзмоқда.  
 
Мазкур жарроҳлик амалиётидан сўнг, Смит қаттиқ оғриқдан жуда қийналган. 2011 йилда қорин пардаси орасида чок материаллари чиқиб турганини сезиб қолган. Кейинчалик у бир неча бор шифокорларга мурожаат қилган, бироқ улар номаълум сабабларга кўра, бу ипларни олиб ташлашдан бош тортишган.
 
15 йиллик оғриқларга чидай олмаган Смит натижада ўз-ўзини операция қилишга қарор қилди. Кейинчалик у ғазаб туфайли шу қарорга келганини, бошқаларга эса  бу йўлни тавсия қилмаслигини айтган.
 
Мутахассислиги бўйича муҳандис бўлган Смит жарроҳлик учун зарур анжомларни титандан ясаган. Беморнинг айтишича, бу номақбул иши туфайли унинг кўп қони тўкилган, оғриқ кучли бўлган. Лекин у сўнгги лаҳзагача тўғри қилаётганига ишонган. 15 йиллик зўриқиш шу тариқа якунига етди.
 
Айтиш керакки, операциядан кейин беморнинг организмида жарроҳлик анжомлари қолиб кетиши билан боғлиқ ҳолатлар кўп учраб туради. Масалан, 80 ёшли япониялик қария операциядан сўнг 30 йил давомида ошқозонидаги бинт билан яшаган, россиялик яна бир аёл ҳам 3 йил мобайнида шифокорлар унутиб қолдирган қисқич билан яшашга мажбур бўлган. 

 

 

Тавсия этамиз






Тавсия этамиз

Ҳар доим хабардор бўлинг!

carzone.uz мобил иловаларини кўчириб олинг ва барча янгиликлар сиз билан