Ўзбекистон Республикаси умумий ташқи қарзининг ҳажми 2018 йилнинг 1 октябрь ҳолатига 16,4 млрд. долларни ташкил қилди. Бу маълумот Марказий банкнинг "Ўзбекистон Республикасининг тўлов баланси, халқаро инвестицион позицияси ва ташқи қарзи" тўғрисидаги ҳисоботида келтирилди.
Ҳисоботга кўра, жорий йилнинг биринчи чорагида Ўзбекистоннинг ташқи қарзи 14,5 млрд доллардан 14,7 млрд долларгача ошганди. Ташқи қарз учинчи чоракда 2018 йилнинг бошига нисбатан 4,2 фоизга ёки 664,3 млн. долларга ўсган.
Марказий банкка кўра, давлат ташқи қарзи давлат томонидан жалб қилинган қарз ва давлат кафолати остида олинган қарздан иборат.
Хусусий ташқи қарз хўжалик юритувчи субъектларнинг, шу жумладан давлат корхоналарининг, давлат томонидан кафолатланмаган ташқи қарзидан иборат бўлади.