Россиянинг Магнитогорск шаҳрида турар жой биноси қулаши оқибатида қурбон бўлганлар орасида 2019 йил 1 январь куни эрталаб ҳолатига Ўзбекистон фуқаролари йўқ. Бу ҳақда Ўзбекистоннинг Екатеринбургдаги бош консулхонаси маълум қилди.
2018 йил 31 декабрь куни содир бўлган Магнитогорск фожеаси бўйича вазиятни бош консулхона ўз назоратига олган.
Олдинроқ мазкур портлашда Ўзбекистон фуқароси жиддий жароҳат олгани ва ҳозирда касалхонанинг жонлантириш бўлимида эканлиги билдирилганди.