Германиялик ҳайдовчи автомашинасини қасддан Сурия ва Афғонистон фуқаролари устига ҳайдади
2.01.2019 12:34,
2
Германия ғарбидаги Боттроп шаҳрида 1 январга ўтар кечаси ҳайдовчи "Мерседес" автомашинасини одамлар устига ҳайдагани оқибатида камида 5 киши жароҳатланди.
"Германия фуқароси автомашинани атайлабдан одамлар устига ҳайдаган. Бу одамлар асосан чет элликлардир. Ҳайдовчи хорижликларни ўлдиришни ўз олдига аниқ мақсад қилиб қўйган. Бу рад этиб бўлмайдиган фактдир",-деди Шимолий Рейн-Вестфалия ерининг ички ишлар вазири Герберт Ройль.
Одамлар устига машина ҳайдаган 50 ёшдаги Германия фуқароси воқеа жойидан қочган, аммо орадан кўп ўтмай у Эссен шаҳрида қўлга олинган.
Жароҳат олганлар Сурия ва Афғонистон фуқароларидир. Терговчилар ҳужумчи «руҳий жиҳатдан носоғлом» экани тўғрисида маълумот борлигини айтмоқдалар.