Тошкент шаҳар ИИББга замонавий вертолётлар ажратилади

10.01.2019 | Ўзбекистон | 2564

Ўзбекистон Республикаси Президенти Шавкат Мирзиёев 10 январь куни Тошкент шаҳри Юнусобод туманидаги 7-ички ишлар бўлимига ташриф буюрди, деб хабар қилди президент матбуот хизмати.

Шавкат Мирзиёев мазкур ички ишлар бўлимидаги паспорт хизмати хонасида бўлиб, биометрик паспортларни расмийлаштириш жараёнини кузатди.

Жаҳон стандартлари асосида ташкил этилган тергов хонасини кўздан кечирди.

Президент жамоат хавфсизлигини таъминлашнинг моддий-техник базасини янада мустаҳкамлаш, жумладан, Тошкент шаҳар Ички ишлар бош бошқармасига замонавий вертолётлар ажратиш бўйича топшириқлар берди.