Денис Истомин – Рожер Федерер ўйини жонли эфирда намойиш этилади
14.01.2019 12:02,
21
Бугун Ўзбекистоннинг биринчи рақамли теннисчиси Денис Истомин Австралия Очиқ чемпионатидаги иштирокини бошлайди. Қуръа якунига кўра, у турнирнинг илк босқичида швейцариялик машҳур теннисчи Рожер Федерерга қарши кортга чиқади.
Маълумот учун, Истомин жаҳон рейтингида 101, Федерер эса 3-ўринни эгаллаб турибди. Шу кунгача теннисчилар олти маротаба ўзаро ўйин ўтказишган ва уларнинг барчасида швейцариялик теннисчининг қўли баланд келган. Қайд этиш лозимки, Федерер Австралия Очиқ чемпионатининг 6 карра ғолиби ҳисобланади.
Учрашув бугун Тошкент вақти билан соат 14:30 дан сўнг бошланади. Ўйин "Спорт ТВ" орқали жонли эфирда намойиш этилади.