Uzbekistan Airways миллий компанияси Boeing-787 Dreamliner самолётини эксплуатация қилишни давом этмоқда.

Бундан аввал айрим ОАВларда МАК самолётлари бузилганлиги туфайли эксплуатациядан чиқарилганлиги ҳақида хабарлар пайдо бўлганди.

“Миллий авиакомпания халқаро стандартларга жавоб берадиган парвозларни амалга оширишни давом этмоқда. Uzbekistan Airways авиапарки тартибидаги барча ҳаво кемалари мунтазам равишда режали техник кўрик ва модификациядан ўтади. Шу вақт самолётлар парвозлардан олинади. Парвозларда юқори хавфсизлик чораларини таъминлаш мақсадида Миллий авиакомпания бундай процедураларни янги ҳаво кемаларга, жумладан Boeing-787 Dreamliner'га ҳам қўллайди”, - деб тушунтиришди авиакомпанияда.

Авикомпания ҳисобида бўлган Boeing-787 Dreamliner самолётлардан бири режали кўрик ва модификацияга юборилди, якунидан кейин иккинчи ҳаво кемаси ҳудди шу процедураларга юборилди.    

Яқин вақтларда Uzbekistan Airways Boeing ва General Electric вакиллари билан брифинг ўтказади. Самолёт ва унинг двигателини ишлаб чиқарувчи компания вакиллари барча саволларга батафсил жавоб беришади.