Суд Криштиану Роналдуга жазо тайинлади
22.01.2019 18:59,
1
Мадрид суди Португалия жамоаси ва Италиянинг “Ювентус” клубининг ҳужумчиси Криштиану Роналдуни солиқ тўлашдан бўйин товлаш иши бўйича ҳукм чиқарди. Бу ҳақда РИА Новости хабар қилди.
Хабарда ёзилишича, Криштиану Роналдуга солиқ тўлашдан бўйин товлаш иши бўйича 23 ой шартли қамоқ ва 19 миллион еврдодан ошиқроқ жарима жазоси тайинланган.
Роналдуга 2011—2014 йиллар оралиғида 14,7 миллион еврони солиқ органларидан яширганликда айблови қўйилганди. Ўша пайт Роналду Испанияда “Реал” клуби сафида тўп сурарди.