27 январь, якшанба куни Тошкентнинг Юнусобод тумани ҳудудида 64 ёшли эркак ҳожатхонада ўз жонига қасд қилди, деб ёзади UzNews ўз манбасига таяниб.

1955 йилда туғилган Х.Ж. узоқ йиллар давомида галлюцинациялардан азоб чеккан. Ўша машъум кунда эркак ўз уйидаги ҳожатхонага қулфланиб олиб, ошхона пичоғи билан ўзининг кўкрак соҳасига жароҳат етказган.

Жабрланувчининг невараси ҳожатхона эшигини очишга муваффақ бўлган, сўнг тез ёрдам чақирган. Эркак 7-шаҳар клиник касалхонасига етказилган, аммо у ерда вафот этган.

Айни пайтда ҳолат юзасидан суд-тиббий экспертиза тайинланиб, терговолди текшируви ўтказилмоқда.