Шавкат Мирзиёев расмий ташриф билан Туркияга боради
29.01.2019 13:53,
23
Ўзбекистон Республикаси Президенти Шавкат Мирзиёев жорий йилнинг апрель ойида расмий ташриф билан Туркия Республикасида бўлади.
Маълум қилинишича, Президент Шавкат Мирзиёевнинг ташрифи икки кун давом этади. Ташрифдан Туркия Республикаси Президенти Ражаб Тойиб Эрдўған билан учрашув ҳам ўрин олган.
Маълумот ўрнида, Ражаб Тойиб Эрдўғаннинг 2018 йил 29 апрель - 1 май кунлари Ўзбекистонга амалга оширган ташрифи муносабати билан ўтказилган бизнес форум доирасида 3 миллиард долларлик инвестиция лойиҳалари бўйича битимлар имзоланган эди.
Эслатиб ўтамиз, Ўзбекистон Республикаси Президенти Шавкат Мирзиёев Туркия Республикасига сўнгги ташрифини 2017 йилнинг 25-26 октябрь кунлари амалга оширган эди.