Тожикистонлик машҳур хонанда туғилган кунини ресторанда нишонлагани учун жаримага тортилди
4.02.2019 14:32,
20
Душанбе шаҳри Исмоил Сомоний туман суди тожик эстрадаси юлдузи хонанда Фируза Ҳафизовани беш минг сомоний (530 доллар) миқдорида жаримага тортди.
Тожикистоннинг “Ахбор” дастури эфирида маълум қилинишича, хонанда таваллуд айёмига ўз ҳамкасбларини давъат қилиб, дабдаба билан нишонлаган.
Тожикистон қонунчилигига кўра, ушбу айём фақат оила даврасида, ортиқча сарф-харажатсиз ҳамда дабдабасиз нишонланиши керак.
Instagram ижтимоий тармоқ оламида тарқалиб кетган таваллуд айём кечасидаги видео суд томонидан хонанданинг айбдорлиги далили сифатида кўрсатилган