Ўзбекистон Мудофаа вазирлигига янги раҳбар тайинланди

11.02.2019 | Ўзбекистон | 6039

Ўзбекистон мудофаа вазири генерал-лейтенант Абдусалом Азизов давлат хавфсизлик хизмати раиси этиб тайинланганлиги муносабати билан Тошкент ҳарбий округи қўмондони Баҳодир Қурбонов мудофаа вазири этиб тайинланди.

Абдусалом Азизов (1960 й. т.) 2017 йил сентябридан Мудофаа вазирлигини бошқариб келаётган эди.

Генерал-майор Баҳодир Қурбонов мудофаа вазири этиб тайинлангунга қадар 2018 йил февралидан Тошкент шаҳри, пойтахт ва Сирдарё вилоятлари ҳудудини ўз ичига олган Тошкент ҳарбий округи қўшинларига қўмондонлик қилган. 2015 йил декабридан у ИИББ раҳбари сифатида фаолият кўрсатган.