Пойтахтимизнинг Миробод туманидаги Файзобод кўчасида жойлашган Тошкент шаҳар ИИББ Йўл ҳаракати хавфсизлиги бошқармасининг рўйхатдан ўтказиш ва имтиҳон олиш бўлимида электрон навбат жорий этилди. Мазкур тумандаги имтиҳон олиш бўлими пойтахтимизнинг Шайхонтоҳур, Яшнобод ва Бектемир туманларига ҳам хизмат кўрсатади. Шу сабабли навбат кутишда электрон тизимга ўтилгани адолатли ечим бўлди. Янги лойиҳа ҳайдовчиларнинг вақтини тежаб, сифатли хизмат кўрсатиш имконини бермоқда.
“Ҳозирда иш билан келган ҳайдовчилар узоқ навбатларда туриб қолаётгани йўқ. Ортиқча сарсонгарчиликларнинг олди олинди” дейди хизмат юзасидан келган ҳайдовчи.