Валюта курси: Ўз.Р.Марказий банки
USD
АҚШ доллари
EUR
Eвро
RUB
Россия рубли
Sayt test rejimida ishlayapti!!!

Сўнгги янгиликлар






Қутблар тўқнашуви ёхуд Венесуэла кимга ем бўлади?
17.02.2019 13:20,  
33

Доналд Трамп АҚШнинг Хитой билан савдо-сотиқ ва банк шартномаси борасида Хитойга яна 60 кун муҳлат берди. Маълумки, 2018 йилнинг охиридан бошлаб, АҚШ ва Хитой ўртасида “савдо уруши” деб ном олган кескинлик бошланган эди. Трамп Хитойнинг АҚШга кириб келаётган моллари учун юқори бож қиймати белгилаган ва Хитойдан АҚШ компаниялари учун солиқ борасида енгиллик беришни талаб қилган эди. Шунингдек, АҚШ маъмурияти Хитой гиганти Хуавейни молиявий фирибгарлик ва иқтисодий жосусликда айблаган эди. Хитой иқтисодиётига АҚШдан кириб келаётган сармоялар оқимининг чекланиши, Хитой маҳсулотларининг АҚШга кириб келишининг камайиши ортидан Хитойнинг иқтисодий ўсиши пасая бошлади ва ялпи миллий маҳсулоти қисқара бошлаган эди.

Президент Трамп Хитой билан АҚШ манфаатларини ҳам ҳимоя қиладиган янги савдо шартномасини 2019 йилнинг мартигача имзолаши кераклигини таъкидлаган.

Ўтган ҳафтада ХХР бош вазири ўринбосари бошчилигидаги делегация АҚШга ташриф буюриб,  молия вазири Мнучин иштирокида савдо саноат доиралари билан учрашиб, музокаралар ўтказди. Делегация раҳбари Оқ Уйда Доналд Трамп билан ҳам учрашди. Учрашувдан сўнг Трамп музокаралар самарали бўлганлигини таъкидлаган эди. Афтидан, шу музокаралар таъсирида бўлса керак, янги савдо шартномасини тузиш муддати яна 60 кунга чўзилди. Яъни савдо шартномаси икки давлат учун ҳам фойдали бўлар эди. Акс ҳолда Хитой иқтисодиёти учун жазо чоралари кучаядиган бўлса, Хитойда иқтисодий ўсиш тўхташи, бу эса иқтисодий тангликка олиб келиши мумкин. Иқтисодий қийинчиликларга юз келган Хитой ҳукумати келажакда қандай сиёсат юритишини фақат тахмин қилиш мумкин. Бу ҳар ҳолда яхши сиёсат бўлмайди.

АҚШ компаниялари янги савдо шартномаси тузиладиган бўлса, Хитойдан чиқиб кетмайди ва кўпроқ даромад ола бошлайди. АҚШ бюджети ҳам бундан даромад олади.

АҚШ ҳукумати Венесуэлада ўзини вақтинча президент деб эълон қилган Хуан Гуайдога Венесуэланинг музлатиб қўйилган маблағларидан фойдаланишга рухсат берди.

Венесуэладаги вазият эса кескинлашиб боришда давом этмоқда. Гуайдони айрим ҳарбий раҳбарлар ҳам қўллай бошлади. Мадуро эса АҚШни айблашда давом этмоқда. АҚШнинг 6 минг нафар ҳарбий контингенти Колумбияда шай турибди. Колумбия ҳам Гуайдони тўлиқ қўллаб-қувватлашини билдирган. Сабаби кейинги уч йил ичида озиқ-овқат танқислигидан азоб чеккан 650 минг венесуэлалик тўсиқларга қарамасдан Колумбияга қочиб ўтган. Колумбия ҳукумати ҳам Венесуэладаги оғир сиёсий вазиятнинг юзага келишида Мадурони айбдор деб билади. Айни пайтда Колумбия-Венесуэла чегарасида венесуэлаликлар учун жўнатилган инсонпарварлик юклари турибди. Бу юклар асосан АҚШ ҳукумати томонидан Венесуэлага юборилган. Лекин Мадуро бу юклар мамлакатга олиб кирилишига рухсат бергани йўқ. АҚШ, Колумбия ва Гуайдо бу ёрдамни тез фурсатда Венесуэлага олиб кирилишини талаб қилмоқда.

Россия ва Хитой эса Мадурони қўллаб-қувватлашда давом этмоқда. Россия ТИВ Сергей Лавров АҚШ давлат котиби Помпео билан телефон орқали гаплашиб, агарда АҚШ Венесуэла ички ишларига аралашадиган бўлса, бу АҚШ ва Россия ўртасидаги муносабатларни янада кескинлаштиришидан огоҳлантирди.

Венесуэлада эса оддий халқ ҳамон қийналишда ва норозилик уюштиришда давом этмоқда.

Тавсия этамиз






Тавсия этамиз

Ҳар доим хабардор бўлинг!

carzone.uz мобил иловаларини кўчириб олинг ва барча янгиликлар сиз билан